ԵՐԵՎԱՆ, 20 մայիսի. /Նովոստի-Արմենիա/. Հայաստանի առաջին նախագահ Լևոն Տեր-Պետրոսյանը և Եվրախորհրդի ներկայացուցիչները քննարկել են ապրիլի 17-ին հանրապետության իշխանություներին ներկայացված ԵԽԽՎ 1609 բանաձևի պահանջները և դրանց իրականացման գործընթացը, հայտնեցին նախկին նախագահի գրասենյակից։
ԵԽԽՎ ապրիլյան նստաշրջանի ժամանակ ընդունված 1609 բանաձևի համաձայն, մինչև ամառային նստաշրջան ժողովրդավարական ինստիտուտների ամրապնդման վերաբերյալ բանաձևի դրույթները չկատարելու դեպքում Հայաստանին սպառնում է Վեհաժողովում ձայնի իրավունքի կորուստ։
ԵԽԽՎ բանաձևն ընդունվեց Հայաստանի լարված ներքաղաքական իրավիճակի պատճառով, երբ փետրվարի 20-ից ՀՀ առաջին նախագահ Լևոն Տեր-Պետրոսյանի կողմանկիցների կողմից անցկացվող բողոքի ցույցերը Երևանում մարտի 1-ին վերածվեցին զանգվածային անկարգությունների։
Հանդիպմանը ներկա էին Եվրախորհրդի գլխավոր քարտուղարի տեղակալ Մոդ դե Բուր-Բուկիկիոն, նրա օգնական Ջանկուլա Էսպոզիտոն և Հայաստանում Եվրախորհրդի հատուկ ներկայացուցիչ Բոյանա Ուրումովան։